البارحة خطيت فـــــــــــي بيض الاوراق = مشاعر(ن) بيـــــــــــن الضلوع تحبسها
مشاعر(ن) مـــــــــــا ثمنت عند الاسواق = ولا تمشي مـــــــع الناس تقرع جرسها
مشاعر(ن) لاقت على كـــــــــــل ما لاق = وتعطر الاجواء بـــــــــــــأحلى نفسها
في ذوقها تطغـــــــــى على كل ذواق = فكري لهـــــــــا يسقي وقبله غرسها
شعارها فـــــــــــــــي قمة الجو خفاق = والمجد والتقدير كلـــــــــــــــه حرسها
عنوانها المعروف مـــــن ضمن الاشواق = والصدق والاحسان منهــــــــا اقتبسها
شفت البشر مـــــــا بين امين(ن) وبواق = مـــــــــــا بين حين وحين تلقى نجسها
الغش فيهم مثل مـــــــــا يسقي الساق = واللـــــــــــي كذا سوى حياته دهسها
واللي علـــــــى ظلم البشر خاطره راق = نفسه مــــــــــن اشكال الرذيلة رفسها
والبعض يجمع مال مــــــن دون الانفاق = فـــــي البنك والشنطة فلوسه كدسها
ولـــو يدفع ريال (ن) ترى خاطره ضاق = كأنه لكبده فـــــــــــوق نار يحمسها
والبعض فـــــي خدمة اهل الفسق تواق = فـــــي طاعة الشيطان نفسه كرسها
ورا شعار الزيــــــــــــــف تلقاه ينساق = يجاري الكذبة وينســـــــــى اسسها
على طريـــــــــــــــق المكر تلقاه براق = نفسه عـــــــن دروب المراجل نكسها
مع (ا) علـــــــــــــوم اللاش تلقاه عملاق = مجالس اهـــــــــل المعرفة ما جلسها
غروب شمسه مــــا حصل بعدها اشراق = والحلة السودا اشوفـــــــــــه لبسها
اهل الرذيلة دايمـــــــــــــــا مثل الابواق = تنشر مع (ا) كل المواقع دنسهــــــا
والعزة ان شعت عليهـــــــــــم بالارزاق = جهالة الجهال تطفـــــــــــي قبسها
دايم وهــــي فاخفاق فاخفاق فاخفاق = فــــــي حالها تبطي ترافق نحسها
الطيب عند الناس فـــــــــي عدة اطباق = وان كـــــــان تبغاها بيمناك حسها
كرامة (ن) مع جود مـــــــع رفعة اخلاق = مـــع هقوة (ن) بالطيب كلن بخسها
مع زين طبع ودايما للسمـــــــــــــا راق = تسمو عـــن الدنيا وتنسى هوسها
منك لضعيـــــــــــف الحال لابد الاشفاق = واللــــــــي حياته بالظليمة مرسها
وارحم فقيــر (ن) من غثا الجوع ما فاق = كفه بطول الوقت مـــــا قد لحسها
هذي فوايد شاعــــــر (ن) جوا الاعماق = تطغى على نفسه واثارت هجسها
في نفسي لهــــــــا كل عصرية سباق = نصيحة اصيلة واصيلة فرسهــــــــا
علاج للـــــــــــــــي تقلقه نفسه اقلاق = توقظ عيونه مــــن غوافي نعسها
منقوووول طبعا
الخميس يناير 03, 2008 3:06 pm
